सांसद बासनाको प्रस्ताव : ‘संसदमा कालो चस्मा निषेध प्रधानमन्त्री शाहबाटै सुरु गरौँ’

काठमाडौं- प्रतिनिधिसभाको कार्यसम्पादन समितिको बैठकमा सांसदहरूको पोशाक, संसदभित्रको आचरण र कालो चस्माको प्रयोगलाई लिएर रोचक बहस भएको छ। छलफलको केन्द्रमा सांसदको ड्रेसकोड मात्र होइन, प्रधानमन्त्रीदेखि मन्त्रीसम्म एउटै मापदण्ड लागू हुनुपर्ने विषय पनि उठेको हो।

बैठकमा सभामुख डोलप्रसाद अर्यालले सांसदहरू संसद बैठकमा कालो चस्मा लगाएर उपस्थित नहुन आग्रह गरे। उनले सबै दलले आफ्ना सांसदलाई संसदको लोगो अनिवार्य लगाउन र औपचारिक पोशाकमा उपस्थित हुन निर्देशन दिनुपर्ने धारणा पनि राखे। आँखासम्बन्धी स्वास्थ्य समस्या भएका अवस्थामा भने चस्मा प्रयोग गर्न सकिने उनको भनाइ थियो।