चीनतर्फ कसरी हुँदैछ उद्धार, नेपालले के सिक्ने?

प्राकृतिक विपद्ले नेपाल र चीन दुवै देशको सीमावर्ती हिमाली क्षेत्रलाई एकैपटक चुनौती दिइरहेका बेला उद्धार तथा खोजी अभियान सञ्चालन गर्ने दुई देशको तयारी र कार्यशैलीमा भने ठूलो अन्तर देखिएको छ।

दक्षिणपश्चिम चीनको सिजाङ स्वायत्त क्षेत्रमा रहेको जिरोङ सीमा नाका जोड्ने मुख्य सडक भीषण पहिरोका कारण अवरुद्ध भएपछि चीनले ठूलो जनशक्ति र भारी उपकरण तत्काल घटनास्थलमा परिचालन गरेर सडक सम्पर्क पुनःस्थापनाको काम अघि बढाएको छ।