आगामी दिनमा मेडिकल काउन्सिलको दायित्व के–के ?

स्वास्थ्य सेवा र शिक्षा एकअर्कासँग अन्तर्निहित क्षेत्र भएकाले व्यवस्था गर्न नेपालको संविधान २०७२ लेख्ने क्रममा अन्य देशहरूमा प्रभावकारी भएको संवैधानिक राष्ट्रिय स्वास्थ्य आयोगको व्यवस्थाको माग भएको थियो । डा. गोविन्द केसीको माग सम्बोधन गर्ने क्रममा पनि चिकित्सा शिक्षा आयोगको सट्टा चिकित्सा शिक्षा र सेवा आयोगको कानुनी व्यवस्थाका लागि सुझाव दिइएको थियो । तर तिनको कतै सुनुवाइ भएन ।

चिकित्सा शिक्षा ऐनमा एमबीबीएस लगायतका स्नातक एवं माथिल्ला शैक्षिक कार्यक्रमहरू सञ्चालनका लागि नीति निर्माण एवं नियमन गर्न चिकित्सा शिक्षा ऐनसँगै राष्ट्रिय चिकित्सा शिक्षा आयोगको व्यवस्था भयो । जहाँ एक उपाध्यक्ष र ४ निर्देशकहरूको कानुनी व्यवस्था छ ।