भारतीय गाडीमा थाई गाँजा ओसारपसार,  दुई जना पक्राउ

काठमाडौँ । थाइल्यान्डबाट तस्करी गरेर काठमाडौँ ल्याइने गाँजा भारत जाने गरेको प्रहरीको अनुसन्धानले देखाएको छ । कारोबारीहरूले गाँजा ओसार्न भारतीय नम्बर प्लेटको गाडी प्रयोग गर्ने गरेको भेटिएको छ ।

बुधवार लागुऔषध नियन्त्रण ब्युरोबाट खटिएको प्रहरीले नयाँ बसपार्कबाट दुई जना भारतीय नागरिकलाई नियन्त्रणमा लियो । पक्राउ पर्नेमा उत्तर प्रदेश घर भएका ४३ वर्षीय रिन्कु मेहेन र ३२ वर्षीय मोहम्मद हसनैन थिए । थाइल्यान्डबाट आएका रिन्कु मेननको साथबाट ५ केजी गाँजा बरामद गरिएको लागुऔषध नियन्त्रण ब्युरोका एसपी दुर्गा राज रेग्मीले रातोपाटीलाई बताए ।