आई लभ यू सो मच’ भन्दै छुटेकी श्रीमती कहाँ छिन्? बिहे गरेको दुई महिना नपुग्दै श्रीमती बाढीले बेपत्ता

विनाशकारी भोटेकोशी बाढीले नेपालका बस्तीहरू उजाडिरहेका बेला एउटा परिवारको पीडा झनै हृदयविदारक बनेको छ। बेलायतमा बस्दै आएका नेपाली मूलका प्रमोद पौडेल आफ्नी नवविवाहित श्रीमतीसहित परिवारका चार सदस्यको खोजीमा नेपाल आइपुगेका छन्।

प्रमोदकी श्रीमती सुमित्रा बाढीपछि सम्पर्कविहीन छिन्। उनकी आमा तुलिसा, भाइ प्रदीप र काका माधव पनि बेपत्ता छन्। बाढीले प्रमोदको जन्मगाउँ सोललाई समेत लगभग तहसनहस बनाएको बताइएको छ।