विश्वविद्यालय अनुदान आयोगका अध्यक्ष केसी र सचिव श्रेष्ठले लिए शपथ

विश्वविद्यालय अनुदान आयोग (यूजीसी) का नवनियुक्त अध्यक्ष प्रा. डा. खड्गबहादुर केसी र सचिव प्रा. डा. रोजी श्रेष्ठले पद तथा गोपनीयताको शपथ लिएका छन्।

बिहीबार शिक्षा तथा खेलकुद मन्त्रालयमा आयोजित कार्यक्रममा मन्त्री सस्मित पोखरेलले उनीहरूलाई शपथ गराएका हुन्। कार्यक्रममा मन्त्री पोखरेलको उपस्थितिमा नवनियुक्त अध्यक्ष केसीले सचिव श्रेष्ठलाई पद तथा गोपनीयताको शपथ गराएका थिए।