घाइते जेनजीलाई रोजगारी दिने मन्त्री लम्सालको ग्यारेन्टी, भने- भोलि नै आएर निर्णय गराउनुस्

पूर्वाधार विकास मन्त्री सुनिल लम्सालले आन्दोलनमा घाइते भएका सबै जेन-जी युवाहरूलाई रोजगारीको ग्यारेन्टी गर्ने घोषणा गरेका छन्।

काठमाडौंको बबरमहलमा स्थापित ‘घाइते जेन-जी नेपाल’ को केन्द्रीय कार्यालय उद्घाटन कार्यक्रममा बोल्दै मन्त्री लम्सालले घाइते युवाहरूलाई रोजगारी दिने निर्णयमा भोलि नै हस्ताक्षर गर्न आफू तयार रहेको बताए। ‘उहाँहरू सबैलाई रोजगारी दिने ग्यारेन्टी म गर्न चाहन्छु। भोलि नै आएर मबाट हस्ताक्षर गराउन सक्नुहुन्छ,’ उनले भने।