टिप्पर र मोटरसाइकल ठोक्किएर एकको मृत्यु

गुल्मीको धुर्कोट गाउँपालिका –५ डुकुर्तीमा टिप्पर र मोटरसाइकल ठोक्किएर गम्भीर घाइते भएका एक जनाको मृत्यु भएको छ ।

तम्घासबाट सिमलटारीतर्फ जाँदै गरेको लु १ क ४४४८ नम्बरको टिप्पर र अर्को दिशाबाट आउँदै गरेको लु ६ प २७२६ नम्बरको मोटरसाइकल ठोक्किएपछि मोटरसाइकल चालक इस्मा गाउँपालिका –६ अमरपुरका ३२ वर्षीय धनिश्वर बस्नेतको मृत्यु भएको जिल्ला प्रहरी कार्यालय गुल्मीले जनाएको छ ।