विराटनगर पुगेका अभिषेक गिरी विमानस्थलबाटै पक्राउ

काठमाडौं । अभिषेक गिरीलाई प्रहरीले बिहीबार साँझ विराटनगर विमानस्थलबाट पक्राउ गरेको छ । बुद्ध एयरको बिमानमार्फत काठमाडौंबाट साँझ ७:०५ बजे विराटनगर ओर्लिएलगत्तै उनलाई जिल्ला प्रहरी कार्यालय मोरङको टोलीले नियन्त्रणमा लिएको हो ।

गिरीविरुद्ध आपराधिक लाभको कसुरमा अनुसन्धान अघि बढाउन अदालतबाट पूर्वअनुमति (पक्राउ पुर्जी) लिइसकिएको मोरङ प्रहरी प्रमुख एसपी कवित कटवालले जानकारी दिएका छन् ।