अन्तर्राष्ट्रिय युवा दिवसको सप्ताहव्यापी कार्यक्रम सुरु

काठमाडौँ । अन्तर्राष्ट्रिय युवा दिवस, २०२६ का अवसरमा आजदेखि नेपालमा पनि सप्ताहव्यापी कार्यक्रम सुरु भएको छ । राष्ट्रिय युवा परिषद्ले दिवसलाई साताव्यापी रुपमा मनाउन सबै प्रदेश र स्थानीय तह तथा सरोकार भएका संस्थालाई पत्राचार र आग्रह गरेको छ ।

परिषद्का निमित्त प्रशासकीय प्रमुख गेहनाथ गौतमका अनुसार दिवसका अवसरमा सप्ताहव्यापी रूपमा विभिन्न कार्यक्रम सञ्चालन हुनेछन् । यस अवधिमा युवा उद्यमशीलता, रोजगारी, नेतृत्व विकास, स्वयंसेवा, नीति संवाद, सचेतनामूलक अभियान तथा युवासम्बन्धी विविध कार्यक्रम आयोजना गरिनेछन् ।