नागरिकता दिलाउन अमेरिका पुगेर बच्चा जन्माउने शैलीविरुद्ध ट्रम्प

वासिङ्टन डिसी – अमेरिकी सर्वोच्च अदालतले जन्मसिद्ध नागरिकता खारेज गर्ने अघिल्लो प्रयासलाई अस्वीकार गरेको केही सातापछि नै राष्ट्रपति डोनाल्ड ट्रम्पले पुनः जन्मसिद्ध नागरिकताको अधिकारमा कटौती गर्ने प्रयास सुरु गरेका छन् ।

राष्ट्रपति ट्रम्पले बिहीबार दुईवटा नयाँ कार्यकारिणी आदेशमा हस्ताक्षर गरेका हुन्। जसमा पहिलो आदेशले गैर-नागरिकका सन्तानलाई जन्मसिद्ध नागरिकता प्राप्त नहुने साविकको दायरालाई थप फराकिलो बनाएको छ भने दोस्रो आदेशले ‘बर्थ टुरिजम’ (नागरिकता दिलाउनकै लागि अमेरिका पुगेर बच्चा जन्माउने परिपाटी) माथि पूर्ण प्रतिबन्ध लगाएको छ।