रसुवा बाढी : शवको पहिचानका लागि आफन्तले कसरी दिने डीएनएको नमुना ?

१५ भदौ, काठमाडौं । बाढीमा बेपत्ता भएका आफन्तको खोजीमा रहेकाहरूलाई डीएनए जाँचका लागि नमुना दिन सक्ने जानकारी प्रहरीले दिएको छ । अहिले फेला परेका शव तथा शरीरका अंग आफन्तको हो कि भनी डीएनएको जाँच गर्न चाहेमा तोकिएको स्थानमा सम्पर्क राख्न प्रहरीले अनुरोध गरेको हो ।

डीएनए जाँचका लागि रगतको नाता पर्ने व्यक्तिको रगतको नमुनासहित महाराजगंजस्थित नेपाल प्रहरी अस्पतालको ल्याब र नजिकको जिल्ला प्रहरी कार्यालयमा सम्पर्क राख्न प्रहरीको अनुरोध छ । जसको रगतको नमुना संकलन गर्ने हो उसको २ प्रति पासपोर्ट साइजको फोटो पनि आवश्यक पर्ने प्रहरीले जानकारी गराएको छ ।