ग्यास संकटबीच विभागको कडाइ, महँगो मूल्य असुल्ने एभरेष्ट मार्टलाई २ लाख जरिवाना

काठमाडौँ- वाणिज्य, आपूर्ति तथा उपभोक्ता संरक्षण विभागले उपभोक्तासँग तोकिएकोभन्दा बढी मूल्य असुलेको पाइएपछि काठमाडौँ महानगरपालिका-१७, ठहिटीस्थित एभरेष्ट मार्ट स्टोर प्रालिलाई दुई लाख रुपैयाँ जरिवाना गरेको छ।

विभागका अनुसार स्थलगत बजार अनुगमनका क्रममा कैफियत भेटिएपछि उपभोक्ता संरक्षण ऐन, २०७५ बमोजिम उक्त कारबाही गरिएको हो।