स्याङ्जा प्रशासनमा एकद्वार सेवा प्रणाली

२२ साउन, स्याङ्जा । जिल्ला प्रशासन कार्यालय स्याङ्जाले एकद्वार सेवा प्रणाली लागू गरेपछि नागरिकता, राहदानी र राष्ट्रिय परिचयपत्रलगायतका सेवा छिटो र व्यवस्थित भएको जनाएको छ ।

कार्यालयले टोकन प्रणालीसहित सेवा प्रवाहको संरचना पुन:व्यवस्थित गरेपछि आवश्यक कागजात पूरा भएका सेवाग्राहीले २० देखि ३० मिनेटभित्रै नागरिकताको प्रतिलिपिसहितका सेवा प्राप्त गर्न सक्ने व्यवस्था मिलाइएको प्रशासकीय अधिकृत सूर्यप्रसाद शर्माले बताए ।