‘केन्द्र सरकारले समन्वय गरेन, मन्त्रीहरू टुरिस्ट शैलीमा आउँछन्, बाढी प्रभावित पालिका निरीह भयौँ’

काठमाडौं- नुवाकोटको किस्पाङ गाउँपालिका कार्यवाहक अध्यक्ष अर्जुन न्यौपानेले बाढी प्रभावित क्षेत्रमा केन्द्र, प्रदेश र स्थानीय सरकारबीच प्रभावकारी समन्वय हुन नसक्दा स्थानीय सरकार निरीह बनेको बताएका छन्।

बाढी प्रभावित क्षेत्रमा ६ दिनदेखि विद्युत् सेवा अवरुद्ध हुँदा जनजीवन थप कठिन बनेको छ। बिरामी, वृद्धवृद्धा, बालबालिका तथा दीर्घरोगीका लागि औषधि तथा उपचारको व्यवस्थापन गर्नसमेत कठिन भइरहेको उनले बताए।