स्वदेश फर्किन डराएका २ इरानी महिला फुटबलरले पाए अस्ट्रेलियाको नागरिकता

काठमाडौं । इरान सरकारको सार्वजनिक रूपमा विरोध गर्ने दुई इरानी महिला फुटबल खेलाडीले अस्ट्रेलियाको नागरिकता पाएका छन्। ३४ वर्षीया अतेफेह रमजानीजादेह र २२ वर्षीया फतेमेह पसान्दीदेहलाई बुधबार क्विन्सल्यान्डको ब्रिस्बेनमा आयोजित समारोहमा अस्ट्रेलियाको नागरिकता प्रदान गरिएको हो।

नागरिकता पाएपछि रमजानीजादेहले ‘धेरै विशेष र अविस्मरणीय दिन’ भनिन्। उनको टोलीकी साथी पसान्दीदेहले भनिन्, ‘मेरा लागि यो क्षण शब्दमा वर्णन गर्न सकिन्न।’