टुसा व्यापारमा कडाई, पोखरामा माग भन्दा कम आपूर्ति

कास्की । साउन लागेसँगै पोखराको बजारमा पहाडी क्षेत्रमा पाइने औषधीय गुणयुक्त टुसाको कारोबार सुरु भएको छ । पोखरा घुम्न आउने पर्यटकका लागि टुसा लोकप्रिय कोसेली बन्दै गए पनि यस वर्ष उत्पादन र आपूर्ति घट्दा व्यापार पनि सुस्त बनेको छ ।

अन्नपूर्ण संरक्षण क्षेत्र आयोजनाले चोरी निकासी नियन्त्रण गरेसँगै बजारमा टुसाको उपलब्धता कम भएको जनाएको छ । पोखरा घुम्न आउने धेरैजसो आन्तरिक पर्यटक फर्किने बेला स्थानीय कोसेलीका रूपमा टुसा लैजान रुचाउँछन् ।