सुख्खा पहिरोले तातोपानी भन्सारस्थित सशस्त्र प्रहरी बीओपीमा क्षति

काठमाडौं । सिन्धुपाल्चोकको भोटेकोशी गाउँपालिका–३ स्थित तातोपानी भन्सार क्षेत्रमा शुक्रबार राति सुख्खा पहिरो जाँदा सशस्त्र प्रहरी बलको बोर्डर आउट पोस्ट (बीओपी) मा भौतिक क्षति पुगेको छ।

शुक्रबार बिहान १:१५ बजे बीओपीको उत्तर–पश्चिमतर्फ रहेको करिब २००–३०० मिटर अग्लो डाँडाबाट सुख्खा पहिरो खस्दा ढुंगाहरू एकआपसमा ठोक्किएर उछिट्टिँदा बीओपीका विभिन्न संरचनामा क्षति पुगेको हो। घटनामा मानवीय क्षति भने भएको छैन।