सरकारको कडा कदमः ४ निर्माण कम्पनी कालोसूचीमा, अब सरकारी ठेक्का नपाउने

काठमाडौं- सार्वजनिक खरिद अनुगमन कार्यालयले विभिन्न सार्वजनिक निकायको सिफारिसका आधारमा निर्माण तथा आपूर्ति क्षेत्रमा संलग्न केही कम्पनीलाई कालोसूचीमा राखेको छ । कार्यालयले बिहीबार (साउन २२) प्रकाशित सूचनाअनुसार सार्वजनिक खरिद ऐन, २०६३ को दफा ६३ बमोजिम ती कम्पनीलाई निश्चित अवधिसम्म सार्वजनिक खरिद प्रक्रियामा सहभागी हुन नपाउने गरी कालोसूचीमा समावेश गरिएको हो ।

कार्यालयका अनुसार कालोसूचीमा राखिएका कम्पनी तथा निर्माण व्यवसायीले तोकिएको अवधिसम्म नेपाल सरकार, प्रदेश सरकार, स्थानीय तह तथा अन्य सार्वजनिक निकायबाट आह्वान हुने कुनै पनि सार्वजनिक खरिद वा ठेक्का प्रक्रियामा भाग लिन पाउने छैनन् । सूचनाअनुसार श्री दीपायल सिलगढी नगरपालिका, डोटी को सिफारिसमा श्री उदयगिरी बिल्डर्स एण्ड सप्लायर्स प्रालि, काठमाडौैं लाई ५ वर्ष ६ महिनाका लागि कालोसूचीमा राखिएको छ।