पहिलो ‘ड्रिम प्रोजेक्ट’ मा भएको ढिलाइ र लागत १८ अर्ब पुग्दा संसदीय समितिमा उठ्यो प्रश्न

काठमाडौँ । काठमाडौँको लाइफलाइन मानिने नागढुङ्गा मुग्लिन खण्डमा पर्ने नागढुंगा–सिस्नेखोला सुरुङमार्ग आगामी साउनको दोस्रो सातादेखि पूर्ण रूपमा सञ्चालनमा आउने निश्चित भएको छ।

यो आयोजनाको भौतिक निर्माण कार्य ९९.५ प्रतिशत सकिएको छ । मुलुककै पहिलो व्यावसायिक सुरुङमार्गमा सवारी साधन गुड्ने सपना साकार हुने भएको छ। सोमबार राष्ट्रिय सभा अन्तर्गतको सार्वजनिक नीति तथा प्रत्यायोजित विधायन समितिको बैठकमा आयोजनाको प्रगति विवरण र सञ्चालनको अन्तिम खाका प्रस्तुत गरिएको छ।