करदाता प्रोत्साहन उपहारः २५० रुपैयाँको सामान किन्ने एक जनाले पाए १० लाख बम्पर उपहार

काठमाडौंः सरकारले कर तिर्ने नेपालीलाई लखपति बनाउने कार्यक्रम करदाता प्रोत्साहन उपहार कार्यक्रमको पहिलो बम्पर उपहारको विजेता घोषणा गरेको छ । १ देखि १५ साउनमा सामान गरिद गरेका उपभोक्ता मध्ये लक्की ड्रबाट १५ जनाले १ लाखका दरले र एक जनाले १० लाख रुपैयाँ बम्पर उपहार पाएको आन्तरिक राजस्व कार्यालयले जनाएको छ ।

शिव कृष्ण जनरल स्टोरबाट २५० रुपैयाँको सामान खरिद गरेका एक उपभोक्ताले १० लाख रुपैयाँ बम्पर उपहार जितेका छन् । बम्पर उपहारको विजेता कुपन नम्बर ००७ ३१५ २५४ ४९३ रहेको छ । विजेताले १५ दिनभित्र नजिकको आन्तरिक राजस्व कार्यालयमा गएर दाबी गर्न सक्नेछन् ।