भोपास विमान दुर्घटना : १६ जनाविरुद्ध अभियोग दर्ता

ब्राजिल । ब्राजिलको सङ्घीय प्रहरीले सन् २०२४ मा ६२ जनाको ज्यान गएको भोपास विमान दुर्घटनामा एयरलाइनका मालिकसहित १६ जना वर्तमान तथा पूर्व कर्मचारीविरुद्ध औपचारिक अभियोग दर्ता गरेको छ । दुई वर्ष लामो अनुसन्धानपछि प्रहरीले व्यवस्थापकीय लापरवाही, मर्मतसम्बन्धी कमजोरी, प्रमाण लुकाउने प्रयास र सुरक्षा मापदण्ड उल्लङ्घनले दुर्घटना निम्तिएको निष्कर्ष सार्वजनिक गरेको हो ।

अभियुक्तमध्ये भोपासका मालिक तथा अध्यक्ष जोसे लुइज फेलिसियो फिल्हो पनि रहेका छन् । अब स्थानीय सरकारी वकिलहरूले उहाँहरूविरुद्ध औपचारिक मुद्दा चलाउने वा नचलाउने निर्णय गर्नेछन् ।