भोएपास विमान दुर्घटना : एयरलाइन्सका मालिकसहित १६ जनाविरुद्ध अभियोग दर्ता

ब्राजिलको संघीय प्रहरीले ६२ जनाको ज्यान जाने गरी सन् २०२४ मा भएको भोएपास एयरलाइन्सको भीषण विमान दुर्घटनासम्बन्धी दुई वर्ष लामो अनुसन्धान पूरा गर्दै एयरलाइन्सका मालिकसहित १६ जना वर्तमान तथा पूर्व कर्मचारीविरुद्ध औपचारिक अभियोग दर्ता गरेको छ।

प्रहरीले व्यवस्थापकीय लापरवाही, मर्मतसम्भारमा गम्भीर कमजोरी, सुरक्षा मापदण्डको उल्लङ्घन तथा प्रमाण लुकाउने नियतका कारण दुर्घटना भएको निष्कर्ष निकालेको छ। अभियोग दर्ता गरिएकाहरूमध्ये भोएपास एयरलाइन्सका मालिक तथा अध्यक्ष जोसे लुइज फेलिसियो फिल्हो र अन्य १५ जना उच्चपदस्थ तथा प्राविधिक कर्मचारी रहेका छन्।