चिप बनाउन प्रयोग हुने चिनियाँ सामानामा ट्रम्पले लगाए १५ प्रतिशत ट्यारिफ

वाशिङ्टन डीसी । चीनबाट आयात गरिने सेमिकन्डक्टर र सोलार प्यानल बनाउने महत्त्वपूर्ण सामान पोलिसिलिकनमा अमेरिकाले १५ प्रतिशतको अतिरिक्त भन्सार महसुल (ट्यारिफ) लगाएको छ ।

अमेरिकी राष्ट्रपति डोनाल्ड ट्रम्पले कार्यकारी आदेश जारी गर्दै यो ट्यारिफ लगाएका हुन् । यस आदेशले पोलिसिलिकन र सम्बन्धित सामानको न्यूनतम आयात मूल्य पनि तोकेको छ । राष्ट्रिय सुरक्षा अनुसन्धान गरेपछि यो कदम चालिएको हो ।