जनताले हामीलाई कुरीकुरी गरिरहेका छन्, संसद्लाई दुर्गन्धित नबनाऔँ : सांसद ध्रुवराज राई

काठमाडौँ । श्रम शक्ति पार्टीका सांसद ध्रुवराज राईले संसद्को कार्यशैली र प्रभावकारितामाथि प्रश्न उठाएका छन् । प्रतिनिधि सभाको शुक्रबारको बैठकमा बोल्दै उनले संसद्‌मा भइरहेको निरन्तरको अवरोध र निष्कर्षविहीन छलफलले जनतामा नकारात्मक सन्देश गएको बताए।

सांसद राईले जनप्रतिनिधिहरूले जनताको अपेक्षा अनुसार काम गर्न नसकेकोमा चिन्ता व्यक्त गरे । ‘जनताले तपाईं हामीलाई, हामी नेपाली जनताका प्रतिनिधि भएर आएकाहरूलाई कुरीकुरी गरिरहेका छन्,’ उनले भने, ‘समस्याको समाधान नखोज्ने हो भने कतिञ्जेल यसरी नै कराउँदै बस्ने ?’