थाइल्यान्डको विद्यालयमा गोलीकाण्ड : हजुरबाको पेस्तोलबाट ९ कक्षाका विद्यार्थीले लिए शिक्षकसहित ६ जनाको ज्यान

काठमाडौं- थाइल्यान्डको राजधानी बैंकक नजिकैको एक उच्च माध्यमिक विद्यालयमा शुक्रबार भएको गोलीकाण्डमा ३ शिक्षक र ३ विद्यार्थीसहित ६ जनाको मृत्यु भएको छ। घटनामा अन्य १५ जना घाइते भएका छन्, जसमध्ये दुई जनाको अवस्था गम्भीर रहेको प्रहरीले जनाएको छ।

प्रहरीका अनुसार नोन्थाबुरी प्रान्तस्थित डेबसिरिन नोन्थाबुरी विद्यालयमा कक्षा ९ मा अध्ययनरत एक विद्यार्थीले अन्धाधुन्ध गोली चलाएका थिए। प्रारम्भिक अनुसन्धानमा विद्यालय जानुअघि उनले आफ्नै घरमा हजुरबुबा र हजुरआमाको समेत हत्या गरेको खुलेको छ। दुवैको शव घरबाट बरामद गरिएको छ।