एमालेले सांसदका स्वकीयसम्बन्धी कार्यविधि पारित गर्‍यो

काठमाडौँ । नेकपा (एमाले) ले सांसदहरूले पाउने स्वकीयसम्बन्धी कार्यविधि पारित गरेको छ। सिंहदरबारमा शुक्रबार बसेको एमाले संसदीय दलको बैठकले सांसदहरूले पाउने स्वकीयको मापदण्डलगायतका कार्यविधि निर्माण गरेर पारित गरेको हो।

त्यस्तै, संसद्मा छलफलका क्रममा रहेका विधेयकहरूलाई परिमार्जन र प्रभावकारी बनाउन गहन अध्ययन, विशेषज्ञहरूसँग छलफल र संशोधन प्रस्तावमा भाग लिने कुरामा जोड दिइएको एमाले संसदीय दलका उपनेता पद्मा अर्यालले जानकारी दिइन् ।