डाक्टर र सांसदका चालकको तलब 'उस्तै' भन्दै युट्युबर टंक दाहालद्वारा भ्रामक दाबी

काठमाडौं- सामाजिक सञ्जाल फेसबुकमा भिडियो सार्वजनिक गर्दै युट्युबर टंक दाहालले नेपालमा डाक्टर र संसदका सवारी चालकको तलब 'उस्ताउस्तै' रहेको भनी गलत र भ्रामक दाबी गरेका छन्।

दाहालले नेपाल सरकारले निर्धारण गरेको स्वास्थ्य सेवा तर्फको छैठौं तहको तलबलाई डाक्टरको सुरुवाती तलब भन्दै चालकहरूको मासिक आम्दानीसँग तुलना गरेका छन्।