विकास निर्माणमा अन्तर-मन्त्रालय समन्वय अभाव र प्रशासनिक बेथितिप्रति सांसदहरूको ध्यानाकर्षण

काठमाडौँ । प्रतिनिधि सभा अन्तर्गतको पूर्वाधार विकास समितिको बैठकमा सांसदहरूले विकास निर्माणमा देखिएको अन्तर-मन्त्रालय समन्वयको अभाव र प्रशासनिक क्षेत्रको बेथितिप्रति सरकारको ध्यानाकर्षण गराएका छन्।

शुक्रबार बसेको बैठकमा एमाले सांसद राजेन्द्रकुमार राईले विकास आयोजनाहरूमा प्रभावकारी समन्वय र कर्मचारीहरूको आचरणमा सुधार हुनुपर्नेमा जोड दिए। यस्तै सांसद गोपाल शर्माले कर्णाली प्रदेशको विद्युतीकरणमा भइरहेको ढिलासुस्ती र ठेक्का व्यवस्थापनको कमजोरी औँल्याउँदै सरकारको जवाफ माग गरेका छन्।