नेपालको निर्णयले तिब्बतबारेको प्राज्ञिक संस्था 'आश्चर्यमा', यो प्रकरण के हो

नेपाल सरकारको अनुरोधमा तिब्बत अध्ययनसम्बन्धी एउटा प्राज्ञिक सम्मेलन रद्द गर्न लागिएपछि विज्ञहरूले त्यसबाट अन्तर्राष्ट्रिय स्तरमा गलत सन्देश सम्प्रेषित हुने भन्दै चिन्ता प्रकट गरेका छन्।

इन्टरन्याश्नल असोसिएशन फर टिबेटन स्टडिज र काठमाण्डू विश्वविद्यालयको संयुक्त आयोजनामा अगस्ट २३ देखि २९ सम्म हुन लागेको भनिएको उक्त सेमिनारमा चीनसहितका देशका ७०० भन्दा बढी प्रतिनिधिहरू सहभागी हुन लागेका बताइएको छ।