पूर्व एसएसपी दिपक रञ्जित राप्रपा काठमाडौं महानगर अध्यक्षमा निर्विरोध निर्वाचित

राष्ट्रिय प्रजातन्त्र पार्टी (राप्रपा) काठमाडौं महानगरपालिकाको अध्यक्षमा अवकाशप्राप्त वरिष्ठ प्रहरी उपरीक्षक (एसएसपी) दिपक रञ्जित निर्विरोध निर्वाचित भएका छन्।

राप्रपा काठमाडौं महानगरपालिकाको निर्वाचन समितिले तोकेको समयअनुसार आज दिउँसो १२ बजेसम्म अध्यक्ष पदका लागि उम्मेदवारी दर्ता गर्ने समय निर्धारण गरिएको थियो। निर्धारित समयभित्र रञ्जितको मात्रै उम्मेदवारी परेपछि उनी अध्यक्षमा निर्विरोध निर्वाचित भएका हुन्।