जेनएक्सटी मोटर्सद्वारा ‘भियाउटो होनरी बोमा ईभी’ नेपालमा सार्वजनिक गरिने

काठमाडौं । एप्पल, एचपी, डाइसन र डेललगायत अन्तर्राष्ट्रिय इलेक्ट्रोनिक्स ब्रान्डका उत्पादनहरूको आधिकारिक आयातकर्ता तथा विक्रेता जेनेरेशन नेक्स्ट कम्युनिकेसन्स प्रालिले ‘जेनएक्सटी मोटर्स’ ब्रान्डमार्फत नेपालको अटोमोबाइल क्षेत्रमा प्रवेश गर्दै नयाँ विद्युतीय कार ‘भियाउटो होनरी बोमा ईभी’ सार्वजनिक गर्ने भएको छ ।

कम्पनीका अनुसार, ‘नाइमा नेपाल मोबिलिटी एक्स्पो’मा विशेष आकर्षणका रूपमा प्रस्तुत गरिने यो विद्युतीय कार आधुनिक सहरी जीवनशैलीलाई लक्षित गरी विकास गरिएको हो । आकर्षक डिजाइन, स्मार्ट प्रविधि, सहज सञ्चालन र वातावरणमैत्री विशेषतासहितको यो गाडी दैनिक सहरी यात्राका लागि उपयुक्त विकल्प हुने कम्पनीको दाबी छ ।