सहकारी पीडितको बचत फिर्ता सुरु गर्ने पहिलो नगरपालिका भएको मध्यपुर थिमिको दाबी

भक्तपुरको मध्यपुर थिमि नगरपालिकाले सहकारी पीडितको बचत रकम फिर्ता गर्न सुरु गर्ने देशकै पहिलो नगरपालिका भएको दाबी गरेको छ। नगरपालिकाले समस्याग्रस्त सहकारी व्यवस्थापन समिति गठन गरी पीडित बचतकर्ताको रकम फिर्ता गर्न थालेको जनाएको हो।

मध्यपुर थिमि नगरपालिकाका उपप्रमुख विजयकृष्ण श्रेष्ठका अनुसार स्थानीय तहमध्ये पहिलोपटक नगरपालिकाले समस्याग्रस्त सहकारी व्यवस्थापन समिति गठन गरी समितिमार्फत समस्याग्रस्त कृषि विकास बचत तथा ऋण सहकारी संस्था लिमिटेडको व्यवस्थापन प्रक्रिया अघि बढाएको हो। त्यसक्रममा पीडित बचतकर्ताको रकमसमेत फिर्ता गर्न थालिएको उनले बताए।