गेटा विश्वविद्यालयको शैक्षिक कार्यक्रमका लागि चारवटा प्रादेशिक अस्पताल दिइनुको अर्थ

गेटामा रहेको शहिद दशरथ चन्द स्वास्थ्य विज्ञान विश्वविद्यालयमा एमबीबीएस लगायतका शैक्षिक कार्यक्रम सञ्चालन गर्न सुदूरपश्चिम प्रदेश सरकारले आफ्ना चारवटा प्रादेशिक अस्पताललाई शिक्षण अस्पतालका रुपमा उपयोग गर्न दिने निर्णय गरेसँगै यसको पक्ष र विपक्षमा व्यापक बहसहरु सतहमा आएका छन् । कतिपयले यसलाई यस निर्णयको प्रसंशा गर्दै स्वागतयोग्य निर्णय भनेका छन् भने केहीले यसको चर्को आलोचना पनि गरेका छन् ।

विभिन्न राजनैतिक पूर्वाग्रह र मानवीय स्वभावका कारण सरकारले गरेका निर्णयको पक्ष र विपक्षमा बहसहरु चल्नु स्वभाविक नै हो । तथापि सरकारबाट भए गरेका निर्णयलाई व्यक्तिगत पूर्वाग्रहबाट आलोचना गर्नु भन्दा त्यसको गुण र दोषकाका आधारमा अन्तर्वस्तु र यथार्थतता बुझेर प्रतिक्रिया जनाउनु एक सचेत नागरिकको कर्तव्य हो।