साझा खोलामा हकको विवाद

सुर्खेत । सुर्खेतको झुप्रा खोलाले वीरेन्द्रनगर र लेकवेशी नगरपालिकाको भौगोलिक सिमाना मात्र छुट्याएको छैन; ढुंगा, गिट्टी र बालुवाको राजस्व कसले उठाउने र कसरी बाँड्ने भन्ने विवाद पनि सिर्जना गरेको छ। दुई पालिकाको सिमानामा पर्ने खोलाबाट वीरेन्द्रनगरले आर्थिक वर्ष २०७४/७५ यता एक्लै राजस्व उठाउँदै आएको छ। लेकवेशीले भने नौ वर्षदेखि त्यसको कुनै हिस्सा पाएको छैन।