ओलीको अपमान खेपेका थपलियालाई पूर्वराष्ट्रपतिले अस्पतालमै पुगेर ढाडस दिइन्

काठमाडौं- तीन दिनअघि वीर अस्पतालमा भर्ना भएका नेकपा एमाले बागमती प्रदेश संसदीय दलका नेता जगन्नाथ थपलियालाई पूर्वराष्ट्रपति विद्यादेवी भण्डारीले भेटेकी छन्। हाल उपचाररत उनलाई भण्डारीले अस्पतालमै पुगेर भेटेकी हुन् ।

अध्यक्ष केपी शर्मा ओली र सचिव महेश बस्नेतले गुन्डुमा बोलाएर दलको नेताबाट राजीनामा दिन चर्को दबाब दिएका थिए । सोमबार साँझ गुन्डुस्थित अध्यक्ष ओली निवासमा बोल्दाबोल्दै बेहोस भएर ढलेका थिए ।