सरकारलाई जवाफदेही र जिम्मेवार बन्न विभिन्न राजनीतिक दलहरुको सुझाव

काठमाडौं– विभिन्न राजनीतिक दलका नेताहरूले बालेन शाह नेतृत्वको सरकारको कार्यशैली, सुशासन, जनसरोकार, राष्ट्रिय स्वाधीनता, आन्दोलन र अभिव्यक्ति स्वतन्त्रताका विषयमा प्रश्न उठाउँदै सरकारलाई बढी जवाफदेही र जिम्मेवार बन्न आग्रह गरेका छन्।

शुक्रबार राष्ट्रिय प्रेस क्लबमा आयोजित ‘सरकारको कार्यशैली लगायत समसामयिक राजनीतिक विषय’ अन्तर्क्रिया कार्यक्रममा सहभागी नेताहरूले सरकारको कामकारबाहीप्रति असन्तुष्टि जनाउँदै जनताका समस्या समाधानमा केन्द्रित हुनुपर्ने धारणा राखे।