सुन्दरहरैंचाको केन्द्र सार्न कोसी सरकारको स्वीकृति

मोरङको सुन्दरहरैँचा नगरपालिकाको प्रशासकीय केन्द्र सार्ने सिफारिसलाई कोसी प्रदेश सरकारले स्वीकृति प्रदान गरेको छ। शुक्रबार बसेको मन्त्रिपरिषद्को बैठकले सुन्दरहरैँचाको केन्द्र सार्ने सिफारिसलाई स्वीकृत गर्ने निर्णय गरेको हो।

सुन्दरहरैँचा नगरपालिकाको हाल वडा नम्बर १२ मा रहेको केन्द्रलाई वडा नम्बर ८, साविक मृगौलिया–९ मा सार्ने नगरसभाको सिफारिसलाई स्वीकृत गर्ने निर्णय भएको आर्थिक मामिला तथा योजनामन्त्री विदुरकुमार लिङ्थेपले जानकारी दिए।