बाँके बर्दियामा जबर्जस्ती करणी बेग्लाबेग्लै घटना: आरोपित अभियुक्त पक्राउ, एक फरार

बर्दियामा जबर्जस्ती करणी प्रयास र जबर्जस्ती करणीका दुई छुट्टाछुट्टै घटना सार्वजनिक भएका छन् । एक घटनामा आरोपितलाई प्रहरीले नियन्त्रणमा लिएको छ भने अर्को घटनाका आरोपित फरार रहेकाले खोजी भइरहेको प्रहरीले जनाएको छ ।

मधुवन नगरपालिका–७ तारातालकी फरक क्षमता भएकी ३२ वर्षीया महिलामाथि जबर्जस्ती करणीको प्रयास भएको आरोपमा स्थानीय ७५ वर्षीय रामप्रसाद थारुलाई प्रहरीले नियन्त्रणमा लिएको छ । प्रहरीका अनुसार ती महिला आफ्नै घरको सुत्ने कोठामा सुतिरहेको अवस्थामा रामप्रसादले जबर्जस्ती करणीको प्रयास गरेका थिए । घटनाबारे शुक्रबार अपराह्न ३:३० बजे सूचना प्राप्त भएपछि ताराताल प्रहरी चौकीबाट प्रहरी सहायक निरीक्षकको कमाण्डमा खटिएको टोलीले आरोपितलाई नियन्त्रणमा लिएको हो । घटनाबारे थप अनुसन्धान भइरहेको प्रहरीले जनाएको छ ।