बाढी प्रभावितका लागि तीन करोडभन्दा बढीको औषधि सहयोग

काठमाडौं । नेपाल औषधि आयातकर्ता संघले तीन करोड रुपैयाँभन्दा बढी मूल्यको औषधि तथा स्वास्थ्य सामग्री सहयोग गरेको छ । रसुवाको भोटेकोसी र त्रिशूली नदीमा आएको बाढी तथा प्राकृतिक विपद्‌बाट प्रभावित नागरिकको उपचारका लागि औषधि तथा स्वास्थ्य सामग्री सहयोग गरेको हो ।

संघले आफ्ना सदस्य औषधि आयातकर्ता तथा सम्बन्धित संस्थाबाट संकलन गरेको औषधि तथा स्वास्थ्य सामग्री स्वास्थ्य तथा जनसंख्या मन्त्रालयमार्फत प्रभावित क्षेत्रमा पठाउने गरी हस्तान्तरण गरेको हो ।