रूख काटेको विषयमा तत्कालीन सडक प्रमुख, वन प्रमुख र पालिका प्रमुख सहित ९ जना विरूद्ध मुद्दा

अख्तियार दुरूपयोग अनुसन्धान आयोगले राजमार्ग सडक किनारका रूखहर काटेको विषयमा मिलेमतो भएको ठहर गर्दै गाउँपालिका अध्यक्ष, तत्कालीन सडक डिभिजन कार्यालय दाङका प्रमुख सहित नौ जना विरूद्ध विशेष अदालत काठमाडौंमा आरोप पत्र दायर गरेको छ।

सोमबार दायर गरिएको आरोप पत्रमा पूर्व पश्चिम राजमार्ग अन्तर्गत दाङको राप्ती गाउँपालिका – १ पाखापानीदेखि लमही नगरपालिका – ४ अर्नहवासम्मका राजमार्गको दायाँ/बायाँ सडक किनारका सिमल, सिसौ लगायतका विभिन्न जातका २ हजार ७ सय २४ वटा रूखहरू काट्दा स्थानीय पालिका, डिभिजन सडक, वन कार्यालय लगाएतमा आपसी मिलेमतो तथा बदनियत राखेर आपसी सूचना प्रकाशन गर्ने तथा गराउने कार्य गरेको देखिएको दाबी गरिएको छ। ती रूखहरू काटेर गायब पारी ८१ लाख ३७ हजार ९०० बराबर हानि नोक्सानी पुर्‍याएको अभियोग अख्यितारको छ।