दिसामा रगत देखियो? जान्नुहोस् मुख्य कारण र उपचार (भिडिओ)

पायल्सलाई हामी नेपालीमा 'बाबासिर' पनि भन्छौं। दिसा आउने बाटो एनल क्यानलमा एनल कुशन (गद्दाजस्तो संरचना) हुन्छ। एनल कुशन तीन वटा हुन्छन्। त्यहाँ रक्तनली, विभिन्न तन्तु र मांसपेशी मिलेर एनल कुशन बनेको हुन्छ। कुनै कारणले एनल कुशन सुन्नियो भने त्यसलाई नै पायल्स भनिन्छ।

जनावरहरूमा प्रायः पायल्स हुँदैन। पायल्स हुनुमा हाम्रो पोस्चर (बस्ने तरिका) को पनि भूमिका हुन्छ। जसले गर्दा रक्तनलीहरू तलतिर तानिन्छन्। एनल कुशनमा रहेका रक्तनलीहरू सुन्निनु र सुन्निएको ठाउँबाट साह्रो दिसा पास हुँदा एनल कुशनमा चोट लाग्नु यसको मुख्य कारण हो। चोट लागेको एनल कुशन तल झर्नुलाई नै पायल्स भनिन्छ। साह्रो दिसाका कारण सुन्निएको र चोट लागेको नलीबाट रगत बग्न सक्छ।