सरकारबाट सुरक्षा ग्यारेन्टी पाए बंगलादेश फर्किएर मुद्दा सामना गर्न तयार शाकिब

बंगलादेशका स्टार क्रिकेटर शाकिब अल हसनले सरकारले आफ्नो सुरक्षाको ग्यारेन्टी गरे बंगलादेश फर्किएर आफूविरुद्धका मुद्दा सामना गर्न तयार रहेको बताएका छन्।

सन् २०२४ को मेदेखि बंगलादेश नफर्किएका शाकिब अहिले श्रीलंकामा जारी लंका प्रिमियर लिगमा जाफ्ना किङ्सबाट खेलिरहेका छन्। सन् २०२४ मा बंगलादेशमा भएको आन्दोलनका क्रममा एक जनाको हत्यासँग जोडिएको घटनामा शाकिबसहित १४७ जनाविरुद्ध मुद्दा दायर भएको थियो।