जनकपुर बोल्ट्समा अमेरिकी अलराउन्डर हरमीत सिंह

नेपाल प्रिमियर लिग (एनपीएल) तेस्राे सिजनका लागि जनकपुर बोल्ट्सले अमेरिकी अलराउन्डर हरमीत सिंहलाई टोलीमा अनुबन्ध गरेको छ।

जनकपुरले आगामी सिजनका लागि हरमीतलाई विदेशी खेलाडीका रूपमा टोलीमा समेटेको हो। ब्याटिङसँगै स्पिन बलिङ गर्न सक्ने हरमीतको आगमनले जनकपुरको टोली थप सन्तुलित हुने अपेक्षा गरिएको छ। भारतीय मूलका हरमीतले पछिल्लो समय अमेरिकी राष्ट्रिय टोलीबाट अन्तर्राष्ट्रिय क्रिकेट खेल्दै आएका छन्। उनी बायाँ हाते ब्याटर तथा बायाँ हाते स्पिन बलर हुन्।