हिमालदेखि ध्यानस्थलसम्मः नेपाललाई ‘वेलनेस डेस्टिनेसन’ बनाउने सरकारी योजना

काठमाडौं । नेपालले पर्यटनको परम्परागत दायरा विस्तार गर्दै योग, ध्यान, आयुर्वेद, प्राकृतिक उपचार र आध्यात्मिक अनुभवलाई जोडेर आफूलाई अन्तर्राष्ट्रिय वेलनेस पर्यटन गन्तव्यका रूपमा स्थापित गर्ने तयारी गरेको छ।

संस्कृति, पर्यटन तथा नागरिक उड्डयन मन्त्रालयले सार्वजनिक गरेको राष्ट्रिय वेलनेस पर्यटन रणनीति २०२६–२०३५ तथा पाँच वर्षे रणनीतिक कार्ययोजना २०२६–२०३० ले नेपालको प्राकृतिक, सांस्कृतिक र आध्यात्मिक सम्पदालाई पर्यटनसँग जोडेर नयाँ बजार सिर्जना गर्ने लक्ष्य अघि सारेको छ।