बाढीमा ज्यान गुमाएका र बेपत्ताका परिवारलाई गण्डकी सरकारले १ लाख दिने

पोखरा । गण्डकी प्रदेश सरकारले भोटेकोशी बाढीमा परेर ज्यान गुमाएका र सम्पर्कविहीन बनेका नागरिकका आफन्तलाई १ लाख दिने भएको छ ।

सोमबार बसेको मन्त्रिपरिषद् बैठकले यस्तो निर्णय गरेको हो । सोही बाढी र पहिरो प्रभावितका लागि प्रदेशले ४ करोड सहयोग गर्ने यसअघि नै घोषणा गरिसकेको थियो । उक्त घोषणा पनि आइतबारको मन्त्रिपरिषद्ले निर्णय गरेको छ ।