कालीकोटको पलाता अस्पतालमा चिकित्सकसहित ६ जना कुटिए

कालीकोट । कालीकोटको पलाता गाउँपालिका–९ थिर्पूस्थित पलाता अस्पतालमा कार्यरत चिकित्सकसहित ६ जनालाई स्थानीयले कुटपिट गरेको अस्पताल प्रशासनले जनाएको छ।

शुक्रबार दिउँसो दुई बालकले अस्पताल परिसरमा भिडियो गेम खेलेर बिरामीलाई डिस्टर्ब भएपछि सम्झाउने क्रममा विवाद भएको र त्यसले उग्र रूप लिँदा चिकित्सकसहित तीन जना कुटिएका थिए। राति सोही समूहले अस्पतालमा तोडफोड गर्दै थप तीन जनामाथि आक्रमण गरेको अस्पताल व्यवस्थापक जन्मऋषि न्यौपानेले बताए।