उज्यालिँदै मधेसको कैलाश

घटनास्थलमा भेटिएको ढुंगाको कान ल्याएर जोड्दा ठ्याक्कै मिल्यो। यसरी ‘टुटेश्वर’ (टुटेको ईश्वर) र मन्दिरको नाम टुटेश्वरनाथ रहन गएको जनविश्वास छ।

घर कसको छैन र ? ओछ्यान कसको छैन ? तर, मधेसको कैलाश अर्थात् टुटेश्वरनाथ पुग्ने तीर्थालुहरू भुइँमै सुत्छन्। धनी हुन् वा गरिब, सबैले खुला आकाशमुनि रात काट्छन्। चारैतिर घना जंगल छ, तर कसैलाई कुनै डर छैन। मन्दिरका पुजारी भन्छन्, ‘सबैको रक्षा देवोका देव कैलाशपति बाबा टुटेश्वरनाथले गर्छन्। यहाँबाट सबैले शान्ति र खुसीको झोली भरेर जान्छन्।’