ऋषभ पन्तले उत्तराखण्डका मुख्यमन्त्रीसँग मागे जग्गा किन्न सहयोग

भारतीय क्रिकेट टोलीका विकेटकिपर–ब्याटर ऋषभ पन्तले उत्तराखण्डमा जग्गा खरिद गर्ने प्रक्रियामा देखिएको अस्पष्टता समाधान गरिदिन राज्य सरकारसँग आग्रह गरेका छन्।

पन्तले शुक्रबार राति सामाजिक सञ्जाल एक्समार्फत उत्तराखण्डका मुख्यमन्त्री पुष्कर सिंह धामीलाई सम्बोधन गर्दै आफू लामो समयदेखि दिल्लीबाट आफ्नो बसोबास उत्तराखण्ड सार्ने प्रयासमा रहेको बताएका छन्। राति १२ः४६ बजे गरेको पोस्टमा पन्तले उत्तराखण्डमा आफ्नो आवश्यकता अनुसारको पर्याप्त र उपयुक्त ठाउँ पाउन कठिन भइरहेको उल्लेख गरेका छन्।