साइबर अपराधमा सबैभन्दा धेरै ठगी र नक्कली खाता, ७ हजार ४१० उजुरी

नेपालमा साइबर अपराधको प्रकृति आर्थिक ठगी, नक्कली सामाजिक सञ्जाल खाता र खाता ह्याकिङतर्फ केन्द्रित देखिएको छ।

नेपाल प्रहरीको साइबर ब्यूरोमा प्राप्त उजुरीको तथ्यांकले यस्तो देखाएको हो। प्रहरीका अनुसार साइबर ब्यूरोमा प्राप्त उजुरीमध्ये सबैभन्दा धेरै ७ हजार ४१० वटा आर्थिक ठगी तथा अनलाइन ठगीसँग सम्बन्धित छन्। त्यसपछि ४ हजार ७८७ वटा नक्कली वा अरूको नाममा बनाइएका खातासम्बन्धी उजुरी छन्।